Part II: Crime and Punishment
Weel Adam, Earth’s first Democrat,
The leaf replaced wi Welcome mat
An easy access under that
Could never miss,
An Eve an him could then begat
An f’und it bliss.
But God’s perception o His scheme,
O aw God’s ploys, the very cream,
Wis no as guid as it wid seem
When tried in life;
For Practice often sows the Theme
Wi seeds o strife.
An strife grew tae a murd’rous heid
As passions, that in faimlies breed,
When fed by jealousy an greed
Explosive flash,
An Cain killed brither Abel deid
In bluidy clash.
Scotland Forever
Thus Man, fresh risen frae the mud,
Wis cursed an stained wi Abel’s bluid
That, taintin growth still in the bud,
Reduced his worth,
An God gerred rise an awfu Flood
Tae cleanse the Earth.
In savin best the Earth haud got
And there begat an mair promote
The Lord haud Noah build a boat
Where aw wid bide,
As roond the Earth the Ark wid float
Till floods subside.
Scotland Forever
Thus, efter forty days o rain
That covered aw the world again
So’s naethin livin wid remain
An aw wis dark,
God haud submerging waters drain
Frae roond the Ark.
When Noah drove the beasts ashore
The Lord saw they’d begat galore
Like Japhet, Shem an Ham afore
The waters eased,
An wi this chance tae plan restore
Wis very pleased.
Scotland Forever
But sadly, though He’d made it plain,
When sendin aw thae days o rain,
He didnae want nae sin again
Tae wreck His plans,
Auld Satan did disciples gain
In idle hans.
Punishment the Flood presages
Differs doon through ither ages.
Diseases, plagues, in aw their stages
An Genocide;
When the wars that mankind wages
Casts God aside.
Scotland Forever
Aw through the world frae then till noo
There’s madness in what peoples do
As De’il brews up his evil stew
Eruptin whiles,
An sinners get their merits due
When stewpot biles.
Part I In the Beginning Scotland Forever: A History in 10 Parts
Facebook page for Christie Grahame
Scotland Forever