On 8th July 1296 at Montrose John Balliol resigned his throne and the Kingdom of Scotland to Edward I. The Stone of Scone (The Stone of Destiny) was taken to London after the Nobles of Scotland signed allegiance to Edward I.

Wikimed

Wee Magic Stane

The Dean o’ Westminster was a powerful man
He held a’ the strings o’ the State in his hand
But wi’ a’ his great business it flustered him nane
When some rogues ran away wi’ his wee magic stane
Wi’ a too-ra-li-oo-ra-li-oo-ra-li-ay

The Stane had great powers that could dae sic a thing
That withoot it it seemed we’d be wantin’ a king
So he sent for the polis and made this decree
Go hunt oot the Stone and return it tae me
Wi’ a too-ra-li-oo-ra-li-oo-ra-li-ay

So the polis went beetlin’ away up tae the North
They hunted the Clyde and they hunted the Forth
But the wild folk up yonder just kidded them a’
For they didnae believe it was magic at a’
Wi’ a too-ra-li-oo-ra-li-oo-ra-li-ay

Noo the Provost o’ Glesca, Sir Victor by name
Wis awfy put oot when he heard o’ the Stane
So he offered the statues that stan’ in George Square
That the High Church’s masons might mak’ a few mair
Wi’ a too-ra-li-oo-ra-li-oo-ra-li-ay

When the Dean o’ Westminster wi’ this was acquaint
He sent for Sir Victor and made him a saint
But it’s no good you sending your statues down heah
Said the Dean, But it gives me a jolly good ideah
Wi’ a too-ra-li-oo-ra-li-oo-ra-li-ay

So they quarried a stane o’ the very same stuff
And they dressed it all up till it looked like enough
Then he sent for the press and announced that the Stane
Had been found and returned tae Westminster again
Wi’ a too-ra-li-oo-ra-li-oo-ra-li-ay

But the cream o’ the joke still remains tae be telt
For the bloke that wis turnin’ them aff on the belt
At the peak o’ production was so sorely pressed
That the real yin got bunged in alang wi’ the rest
Wi’ a too-ra-li-oo-ra-li-oo-ra-li-ay

So if ever ye cam’ on a stane wi’ a ring
Just sit yersel’ doon and proclaim yersel’ king
There’s nane will be able tae challenge yer claim
That ye’ve crooned yersel’ King on the Destiny Stane
Wi’ a too-ra-li-oo-ra-li-oo-ra-li-ay

(Trad / Johnny McAvoy)

(as sung by Robin Hall & Jimmy Macgregor)